O. Distribución linux en Galicia. Logotipo, páxina web, contorno gráfico.

Galinux é unha distribución GNU/Linux (en diante só Linux) baseada noutra distribución chamada Slax (Slackware). O máis especial de Galinux-Slax é que pódese instalar coexistindo con Windows XP no mesmo disco duro sen modificar o inicio nin facer particións. As súas características son:
Deseñado para o ensino nos centros educativos galegos: é moi doado de manexar, ten unha aparencia e organización “familiares” para os usuarios dos sistemas operativos Windows de Microsoft (en diante só Windows), emprega o galego en todas as aplicacións e ferramentas posibles e ademais é moi seguro: por defecto non é posible a escritura en unidades de disco con formato NTFS (Windows XP e outros); mesmo hai un modo de inicio especial no que só está permitida a navegación web (kiosk mode).
Tres presentacións: coma calquera outro programa instalable para Windows XP (¡sen facer particións nin modificar o sector de inicio!), Live-CD de inicio (non precisa sistema operativo previo nin disco duro) ou instalador universal para discos duros, memorias USB, etc. (executable desde Linux/MS-DOS/FreeDOS/Win9X/NT/XP)
En tódolos casos compórtase coma un Live-CD executándose en memoria RAM, é dicir, non se instala dun xeito real e non interfire cos arquivos nin documentos gardados no disco duro. Apagando o PC todo queda como estaba antes de arrincar Galinux-Slax e non se gardan por defecto cambios na configuración nin nos documentos. Pero tamén é moi doado facer que garde os cambios e documentos por defecto.
A pesar de iniciarse coa mesma ou maior rapidez que outros sistemas operativos que necesitan unha instalación real, xestiona ben o hardware de moitos tipos de PCs sen ter que engadir drivers adicionais. Galinux-Slax pode executarse sen problemas en moitos ordenadores antigos ou escasos de recursos.
É configurable: pode decidir en calquera momento –xa na instalación en Windows XP- cales programas e ferramentas serán cargados por omisión en cada reinicio. Se ten Galinux-Slax xa iniciado e logo decátase de que nesa sesión necesitaba algún máis, pode cargalo “en vivo” con só facer clic nun módulo (tipo de arquivo especial que instala programas ou configuracións dun xeito automático e instantáneo).
Podes ver capturas de pantalla de moitos dos programas incluídos, da instalación/desinstalación e do Live-CD.
O principal requisito de hardware para empregar Galinux-Slax é unha cantidade variable de memoria RAM, normalmente maior no Live-CD que na versión instalable (recomendada), pero en moitos casos poderá rebaixala con algúns axustes.
E se non estás seguro de querer probalo, dedícanos un minuto. http://www.galinux.org/

Cuestions:

Caracteristicas de Galinux

Que e Galinux?